paluke bangaramayena lyrics in telugu

                           పలుకే బంగారమాయెనా

పల్లవి : పలుకే బంగారమాయెనా కోదండపాణి

              పలుకే బంగారమాయెనా

 చ1    :  పలుకే బంగారమాయె పిలచినా పలుకవేమి

              కలలో నీ నామస్మరణ మరువ చక్కని తండ్రి                         || పలుకే ||

 చ2    :  ఇరవుగ ఇసుకలోన పొరలిన యుడుత భక్తికి

              కరుణించి బ్రోచితివని నెర నమ్మితిని తండ్రి                         || పలుకే ||

 చ3    :  రాతి నాతిగ జేసి భూ తల మందు

               ప్రఖ్యాతి జెందితివని ప్రీతితో నమ్మితి తండ్రి                          || పలుకే ||

 చ4    : ఎంత వేడినగాని సుంతైన దయరాదు

              పంతము సేయ నేనెంతటివాడను తండ్రి                              || పలుకే ||

 చ5    : శరణాగతత్రాణ బిరుదాంకితుడవుకావా

             కరుణించు భద్రాచల వరరామదాస పోష                                 || పలుకే ||